اقتراحات للسينما المصريه

انا شايف ان في ناس كتير تنفع تعمل حاجات زي Marvels 
يعني مثلا انا شايف ان خالد ابو النجا من الشخصيات المناسبه جدا لمسلسل زي MR robot لو هايتعمل بمعالجه سيناريو عربي مناسب 
شايف مثلا ان عمرو واكد او كريم محمود عبد العزيز مناسب لأدوار زي Flash
شايف ان روبي ممكن تعمل فيلم اكشن عربيات "بجد" زي فاست ومعاها احمد السقا مثلا او احمد مكي 
كريم عبد العزيز ممكن يعمل حاجه زي mission impossible 
حلمي مثلا انا شايف انه لو عمل حاجه تاريخي طبعا بشكل متجدد زي Game of thorn هايبقا حلو اما بالنسبه لافلام زي war of the planet فانا شايف ان مكي و عمرو يوسف يعملو شغل جامد جدا 
ممكن أياد نصار يعمل حاجه زي Bat man ,وتطلع حلوه جدا عليه 
كندا علوش ممكن تعمل سندريلا والاقزام السبعه 
منه شلبي ممكن تعمل Hanger game
اللي انا بقوله ده يا جماعه مش عشان نقلد نفس الحاجه لا احنا عندنا خامات سيناريو وقصص حلوه كتير نبتدي نعمل منها سينما فانتازيا واكشن زي Marvels ونسميها اي حاجه قصص بورم او واحد من اسماء سيناريوهات عبقريه عندنا زي ما وراء الطبيعه و رجل المستحيل وملف المستقبل وهايبقا ليها اسم رنان باللغات التانيه برضو متقلقوش 
واللي بقوله ده مش صعب برضو لان احنا ما شاء الله بقا عندنا في مصر عتاوله Visual effects بينافسو بره وبيعملو ابتكارات احلى 
ليه لا ؟؟؟ 
انا شوفت محاولات زي سوبر هنيدي والرجل العناب والقبطان عزوز وكلها محاولات بتقول ان احنا نقدر وبقوه بس ماشيه في اطار كوميدي بس طب ليه منطلعش للاكشن وننطن من طياره ونعمل مهمات مستحيل ونسوق عربيات تطير في الهوا احنا عندنا مخزون سيناريو وقصص وعندنا كتاب ومخرجين وحتى المنتجين يقدرو يوصلو للعالميه 
الي الاستاذ محمد السبكي 
فيها ايه لو شوفنا محمد رمضان بيعمل فيلم زي سبايدر مان مثلا وبرضو هايبقا فيلم شباك والانتاج مش هايبقى كتير لو في عندك ناس بتشتغل جرافيك وفيجوال افكتس حلوين 
هاتكسب وهاتمتعنا 
الي العدل جروب عندكو فرص كتيره قوي تقدمولنا حد زي حماده هلال مثلا سوبر هيرو زي Zoro او خالد الصاوي مثلا في فيلم زي Die hard او Last man standing 
نفسي اسمع في يوم ان مصر هاتعمل avengers بنسخه مصريه 
او مثلا Expendables

#يلا_نعمل_اكشن_بجد

#اكشن_عالمي

#مبادره_للتجديد

#يافنانين_مصر_يلانجدد

فلاش في الحرم

فلاشات في الحرم

عندما يقول الامام في صلاه الفجر ولا الضالين فانك تسمع كلمه آمين بصوت خافت ليس بعال برغم ان الحرم ممتلئ ولكنك تشعر بقوتها تهز المكان (فلاش)و

عندما تكون في السعي انظر الى شيخ كبير السن وامراته ،وتراه يهرول وامراته تهرول بجانبه مع انه ليس واجبا عليها ان تهرول ولكنها اعتادت على ان تشاركه كل شئ (فلاش)و

عندما تدخل الحرم لاول مره وترى الكعبه لاول مره في حياتك وتتجه لاحد اصدقائك لتحدثه ولا يجيب وترى عيناه قد رقرقت بالدموع وتعالي صوته وهو يقول اللهم انك عفو كريم نحب العفو فاعفو عنا هنا لحظه صمت عظيمه وانتقال بالخيال ليوم اشبه بذلك ولكن هل نستطيع الدعاء حينها (فلاش)و

حين يقول الامام الصلاه علي الاموات يرحمكم لله ... تخيل نفسك في هذا الموقف كل هذا الجمع يصلون عليك دون ان يعرفوك او حتى يروك فيال هذا الرب الذي انزل لك دينا احبك قبل ان تحبه (فلاش)و

حين تري طيورا في سماء الكعبه بعد آذان الفجر وكأنها تتنافس بأصواتها لتسمعك اجمل ما عندها واخرى تطير باشكال رائعه لتكون انت جمهورها المشاهد فتدرك حينها انه لا يقدر على ذلك الا رب قد خلق لك كل ذلك ليمتعك (فلاش)و

عندما تسمع الامام في صلاة الفجر يقول الحمد لله رب العالمين فتيقن ان الله اختارك من ضمن من اختاره لتقف امامه في حرم النبي صلى الله عليه وسلم ، حينها تظهر ابتسامه على وجهك وانت تقول الحمد لله رب العالمين ،ثم تسمع الرحمن الرحيم فتيقن انه قد شملك برحمته رغم كل مشاغل وملاهي الحياه لتقف امامه ،ثم مالك يوم الدين فتعلم ان كل ذلك لن يزيد في خلقه شئ ومع ذلك احبك ووضعك في هذا المقام الطاهر ،ثم ترد انت على ذلك أن إياك نعبد وإياك نستعين فبمن نستعين حتي ننسى مشاكل الحياه ونطمئن ونسكن ،ثم تيقن انك لو طلبت منه طلب لن يردك فتقول اهدنا الصراط المستقيم صراط المسلمين الذين انعمت عليهم غير الذين غضبت عليهم ولا الضالين ، ثم تسمع آمين ليطمن بها جميع من وقف ليطمئنو ويشعروا بأمان الرحمن

. (رفعت الاقلام وجفت الصحف)

الحياة صنعه (2)

كنا نمشي سويا للصلاه وافترقنا عند مكان الوضوء فما معنى ذلك ؟؟؟

==========================================================================================

العطاء هو عباره عن مناقصه يدلي كل من فيها بدلوه وغالبا ما ترسو علي حبايبنا  وليس الافضل !!!!!.

==========================================================================================

القسوة كالماء يحيى به زرع  اذا  أنزل في الارض .... ويموت من حقن به في الوريد!!!!!

==========================================================================================

لن تحاسب علي كفرك فقط ولكن ستحاسب على انك لم تؤمن بشئ وتبعت من يؤمنون .............

==========================================================================================

حلوى الحياه: اكتئاب وهمي مغطى بقناع من السعادة مع قليل من مكسرات الأمل...............(ملحوظه كلمه  حلوى مقصوده)

==========================================================================================

اصبحت احب الكتابة بالقلم الجاف ربما ل أعوّد نفسي تحمل تبعات ما فعلت !!!!!!!!

==========================================================================================

أعطني سمكة فتطعمني بها يوم ..... ولكن علمني الصيد  فربما أصبح خادما لك ......

==========================================================================================

عُقد تربويه : هي تحكم في العقول داخل دائرة مغلقه من المسميات الزائفه 

==========================================================================================

الروح الرياضيه بلا تمرين  تعني صعوبة تقبل الآخر ....

==========================================================================================

ملعونه تربية جعلتني  أستحي ان اقول (وحشتيني )!!!!!

==========================================================================================

هناك انواع من الحق : حق ظاهر عادل واضح  وحق ينتظر ضعف الباطل وحق مسيس لصالح الباطل 

==========================================================================================

مهانة للنفس يكسوها الغرور المتبجح او بمعني اخر (نرجسيه بمقاس 43) 

==========================================================================================

الخسران هو نجاح فاشل مهما وصلت لأعلى القمم 

==========================================================================================

المبادئ في عام 2015  كقانون السوق (عرض وطلب )

==========================================================================================

الأنانيه هي حل مشاكل الآخر لتتناسب مع تحقيق اهدافك !!!!!!

==========================================================================================

انتظرت وانتظرت الي ان فهمت اني انتظرها لتنهي ما نحن فيه  فشكرا انها فهمت :) !!!!

==========================================================================================

كم مهول من التشتيت المتصل والمتناقض في الدماغ فهذا حال من ليس بالمالك الاول للدماغ  ، ولكن ذلك افضل من الملل

==========================================================================================

احيانا احب الروتين لانه يترك لي مساحة ان ازيد عليه قدرا من الابداع

==========================================================================================

تعلمت ان افارق ل أصبر واعمل ل أربح واتعلم ل أنجح وأهتم ل أُقدّر  ولكني ما وصلت ابدا لاحداها  فمازلت أحاول ولم أيأس

==========================================================================================

كنت اهتم  واسأل  عسى ان ارى ذلك عندما اكون بحاجه اليه .... ولكن عندما وجدت اني اوصل بسيارتي كل الي وجهته واعود وحيدا فكرت ان اغادر بصمت 

               ==========================================================================================

اتمنى ان تكون نهايتي مفيدة ولو  لحيوان لأسطيع ان اجيب عن سؤال الله سبحانه وتعالى عن عمري فيما أفنيت

==========================================================================================

مالدنيا الا ديون وما الانسان الا مفلس 

==========================================================================================

مين سأل

مين سأل لما السؤال كان فرض واجب مش كفايه
مين عرف ان اهتمامه هوا ده اصل الحكايه 
مين مكانه جوا صورتي كان ف لحظه احتياجه 
مين في برواز الحياه انا كنت لحظه ف ذكرياته
مين ومين ومية سؤال وفي اخره نقطه . 
وسطر تاني لحد تاني مع تماس لامس في دايره
مين ف لسته تليفونات عمره ما ف يوم كان عدد
مين ف ديقه كان هناك رغم همه والشِدد
ومين مقالش يعم فينك تلغي ذنبه في السؤال
ومين مضيعش اشتياقه بحجه الدنيا اشتغال
ومين سأل من غير سؤال
ومين سأل من غير نهايه
ومين سأل لما السؤال كان فرض واجب مش كفايه

تعلمت من الركض

تعلمت من الركض معنى الاستغناء فأن لم تستغني عن احتياجك للأشياء والاشخاص فلن تكمل ،، وحين تكمل ستجد نفسك وحيدا ليس لمجرد الوحده ولكن لانك قد تصدرت المقدمه !!!!

تعلمت من الركض اني استطيع ان افعل كل شئ وانا اركض .... افكر، أغني، اضحك، اتحدث ، اتجنب المعيقات بمرونه وسهوله الي ان وصلت ان اربط اربطه حذاء أحدى القدمين وانا اقفز بالاخرى حتى لا اتوقف

تعلمت من الركض ان الربع ساعة الاولى هي للتخدير فأن مرت فستشعر ان نصفك الاسفل يفعل ما عليه دون شكوا او ألم

تعلمت من الركض ان الالام ما هي الا رسائل من الجسم معناها ان الحصول على الصحه شئ ثمين صعب المنال ولابد من الاجتهاد لنيلها

تعملت من الركض أن الانجاز لا يكون ببدئ الشئ ولكن عند نهايته

تعلمت من الركض ان لا أتعجل باستباق من سبقوني فلي رزقي ولهم ارزاقهم وتعملت ان اصبر فأراهم يتوقفون وأكمل طريقي لاتركهم ورائي واصل الي الصداره

تعلمت من الركض بعد خسران خمس عشرة كيلوجرام من وزني انه لا مستحيل واني مازلت انظر لمن اتجهو للعمليات والطرق الاسهل بأنهم مخطئون اختاروا اوضاعا دائمة ليفرضوها علي حياتهم بدلا من محاوله تغيير اوضاع مؤقته

تعلمت من الركض ان اصدقائي هم من وقفوا الي جانبي لاكون افضل، ومن شجعوني لاكمل، رغم كل ما واجهت من المغريات واخص بالشكر صديقي العزيز أبي الغالي فشكرا يا بابا :)

تعلمت من الركض انك يجب ان تكمل رغم التعب ورغم المشاكل ورغم المعيقات فمجرد تجربه الوصول للهدف تشعرك ان كل ذلك ما هي الي نجاحات اجتزتها لتضيف الجديد في شخصيتك

تعلمت من الركض ان اترجم وجوه من اراهم فمنهم من يمشي ولا يتستلم ومنهم من يؤدي واجبا يوميا ومنهم يستمد من وجهك قوة تزيد من حركته ونشاطه فأنت تؤثر وتتأثر

تعلمت من الركض ان وجود اصدقاء يركضون معك هو عامل مشجع جميل يعزز ادائك ويزيد من ثقة كل منكم بنفسه ولكنه ليس سببا اساسيا للاصرار والاستمرار في الركض

تعلمت من الركض ان اركض مبتسما واتألم مبتسما واقاوم مبتسما واصل مبتسما

واخيرا تعلمت انه لولا الله سبحانه ما تعملت ولا اصررت ولا وصلت ولا ركضت الحمد لله رب العالمين من جبر كسري واعطاني من قوته اسبابا لأسعى بها للحفاظ على امانته (جسدي)

شكر خاص الي من ساعدوني وكانو بعد فضل الله سبحانه وتعالى اسبابا لكي اصل لما وصلت اليوم Mohammed Zeinhom

Ramy Nadim

حلم مزعج

ماشي وحدي جوا مول ولمحت واحد م  القدام

فجأه وانا بسلم عليه اخوه فاجأني بالسلام

منا  كنت اعزه ...

وبوس في حضن مشينا مع بعض ف كلام

اما صاحبي سابنا حبه جاله تليفون مالمدام

واحنا ماشيين في الشوارع بعترض على حال طريق

شوفت حد بيرمي طوبه على قطه ماشيه عالرصيف

فجأه شوفت القط مرمي فوشه سعر وعينه جاحظه

وقط تاني بيضربه بكل غل وكل قسوه

فاعترضت مشيت بعيد وقولت ربه ليه يساعد

فجأه راح له أخو صاحبي 

يمد ايده قال يساعد

متسيبه ده مسعور ينازع

قام القط التاني هاجمه 

واللي مرمي قام بسعره 

عن اخو صاحبي يدافع

 المسعور ساب الصديق وقام طلع يجري ورايا

مشيت بعيد من خوفي ساكت

والتقت عيني في عينيه رغم سعره  

رغم لحظات الممات

كان في سؤال في نني عينه

مش فاكرني يا فلان ؟؟؟؟؟

قطك الوفي؟؟؟

. !!!الفرو الكثيف؟؟

. !!!الحنان؟؟؟

دلوقتي بس وقفت ادقق

 !!! هيا عينه 

!!! أيوا فروه 

بس متقطع هزيل

من صعوبه منظره فضلت متسمر بعيد

قام فاجئني راح جاي ناطط

وعضني ف كتفي اليمين

مقدرتش اعرف وقتها كان الالم

م العضه ولا من ندم 

عشان حاولت ابقا محايد

جتلى جامده في الصميم

ومات يوميها القط جنبي

وخدت حقنه للسموم

بس كان نفسي اسيبها

يمكن افتكرالفانون

انت ابدا مش محايد 

انت ابدا مش لوحدك

كلو متوصل ببعضو

 وعد ما في منو خندق

لو فاكر انك لو محايد تبقا ماشي في السليم

تبقا جوا الحيط هاتمشي وتتنسي ويا السنين

انتا ابدا مش محايد

انتا ابدا مش لوحدك

كلو متوصل ببعضو

وعد مكتوب جوا زندك 

حلم مزعج كان ابطاله شخصيات حقيقه اعرفها  كويس  

طلب جواز

طلب جواز من عانسه او آنسه فعز الشباب

طلب جواز من مفتري مقرف ومحبوب الاكتئاب

 طلب جواز من حاله نادره

حاله مش موجوده قادره

تمشي فوق جمر المشاكل

وتشتغل كل المشاغل

ام ماشي وزوجه يلا

بدون ما تستني مقابل

تبقي بتدور عليه

لمجرد انه يبقي يوم ف كادر غير اللي ف عنيها 

ولو فيوم مثلا تعب يبقا الدوا لمة ايديها

عريس باكج م المستحيل

مبيعجبوش ام العجب

ولا عمره يرضا بالقليل

متكروتيش وانتي معاه

واللي هايكروت يشيل

بيحب لما تغيري 

وعلي الروتين تسيطري

مش تبقي وقفه كالصنم

وتضحي بيه وسط الصعاب

وسط السعاده في صديق

يفتح معاه ميت الف باب

ووقت المحن تلقيه فظهرك

 يسندك من غير غياب

يلا ردي قولتي ايه

مش ناويه تكسبي فيه ثواب

ده طلب  جواز من عانسه او آنسه فعز الشباب 

طلب ......................

أهرب ونام

اهرب ونام
الحلم هايشيلك وياخدك للحقيقه
مش ده المكان ولا الزمان ولا دي الطريقه
اهرب ونام
هوا انتا لسه هاتجرب وتفشل
ومره جابت ومره صابت
لسه عندك نفس تفضل ؟؟
اهرب ونام
لا حد يستاهل عشانه تجتهد
او تبتعد او حتى حد عليك هايسأل
اذا كانت الحرب بواقعها اقوى منك بالظروف
فاهرب لحلمك تمحي فيه كل السقوف
هناك مفيش كدب وخداع او حتى خوف
اسمع كلامي اهرب ونام
مفيش نجاه  من فوق جبل ساعه الطوفان
ولا في اللي يقدر يلحقك  ده كان زمان
الحكايه سهله جدا
هناك سكون هدوء ما كان
لسه بيقاومني عقلك !!!
لسه برضو بيخدعك!!!
طب أساله ليه في أمل
رغم ان حلمه هوا ملكه
ومفيش وقائع تنصفه
مترد يا عقلي الحكيم
عالساذج الهاوي المنام
قوله دي دنيا مزيفه
على كل لون تظهر تبان
والاخره هيا الآخره
الحكم فيها كن فكان
عدلك هتاخده تعبك يعودلك
من مولدك حتى البنان
قررت مش هاهرب وانام
أهرب ونام
لا مش هانام
تقتدر تقولي الحلم يبقا واقعي
من غير كلام من غير سلام
من غير وقوع أو اجتهاد او احتدام
من غير ايمان من غير شغف
او حتي  ادراك النجاح والابتسام
قرار ختام انا مش هنام

صباح الخير

صباح الخير علي الحلوين والطعمين واللمه
صباح الخير علي الناجحين والطامحين في القمه
صباح الخير نغنيها صباح الخير نقدمها
صباح الخير علي الباشوات
والباحثين عن اللقمه
صباح بطعم حريه صباح في طيته الابداع
صباح الكلمه والمعنى
صباح الفكر والاقناع
صباح الدين يا ايوبي
يا عارف ميزتي وعيوبي
يا عايش سيفك المليان
شرف وكرامه خلوني
اقوم من نومي وبهمه
واقولها عاليه وبزمه
صباح الخير smile emoticon

‪#‎Abouselmi‬

كظل الليل

واحب امشي فوسط الناس

 بنور مطفي كظل الليل 
غنا ومواويل 
بصوت واطي كما الوسواس لكنه جميل 
لاانا طيب ولا ناجح 

ولا ناططها من شلال
ولا محتاج انا جناحات 

اطير بيهم في قولنا وقال
وكل ما اعوز انا اظهر

 بلاقيني ورا الكواليس
بنور مطفي كظل الليل
ABouSelmi

أستفق

حاولت ان ابقى مختلفا بقسوتي
فصفعتني برقتها
لست مميزا ||||| !!!!!!!!!!
إستفق
انا لا اراك مميزا انا لا أرى الا احتياجي 
فغيرك ليس مهما عندي ما فعل
انما اختلاف مايفُعل بصاحب الاشياء
إستفق
قد مملت حياتك المتردده المتوقفه السلبيه
قد مللت الانتظار لاعرف رد عيناك عندما تراني
ومللت جهودك الانانيه لان تبقا مميزاً في عيني
إستفق
أنا لا ارى نفسي برغم ما تفعل
برغم انك تشعر وتجادل وتبقي مهمل
برغم اني اعاتبك واقاومك واستبسل
لن تفهم يوما ثورتي
فتحيتي ورسائلي أقلامُ حبر انتهت
ذابت وراحت تحت قلة حيلتي
استفق
ها انا اضيع واختفى مثل السراب وانتهي
ما كنت ابدا ارتجي ان يأتى يوم نهايتي
لست مميزا مع كل ما لك في حياتي من صميم تميز
لست مختلفا عظيما شامخا
فتلك هي صوره موجوده لك في دمي
إستفق .......إستفق ........أست!!!!!!!!!

‪#‎Abouselmi‬

متغرب بغير غربه

متغرب بدون شنطه ووزني داخل المسموح 

متغرب بغير غربه بحاول اكتب الممسوح

انا طاير كما سحابه 

بتمشي مع حلول الصيف

بغطي الشمس عن غلبان

وبنزل فرحه زي الطيف

وبتبسم مافي نهايه 

لبسمة وشي للملكوت

وحتى زعلي لون غامق

رمادي بغير كلام او صوت

وحتى غضبي بيخوني

وينزل كلو بشره خير

ويحيي قلب ناس جفت

علي امل انو في تغيير

مفيش حاجه بتتغير غير ان الوحده شئ ممدوح

بقيت بستني بكوميديا ولا زعلان ولا مجروح 

ومتغرب بدون شنطه ووزني داخل المسموح

ومتغرب بغير غربه ................

من غير سبب

جايبه معاك ان انتا ممكن تنسحب ؟؟

من غير سبب 

في لحظه واحده تختفي وسط الفضول

ومش مهم مين مهم ومين سأل

من غير سبب

اخلص من اللوم والعتب 

اخلص من الصدق الكذِب

اخلص من الزيف اللئيم

ومن التطفل والتعب

من غير سبب 

ليه بيكدبوا ؟؟ من غير سبب

طب ليه يخلوني اشوف

كل وش بيتقلب ؟؟

من غير سبب 

من غير معاني او عتاب او حتى تفسير يتكتب

او حتى دمعه تحرق الشئ اللي باقي

لعشره او حب اتسلب 

من غير سبب جايبه معاك قله ادب

فمتجاملش ومتسايرش امشي متبصش وراك

وان جيت في يوم تسأل سؤال 

برضو تشوف نفس الجواب 

من غير سبب 

ِABouSelmi

أحلام فلسطينية عابرة

ترددت كتير قبل ما اكتب هادا  الموضوع ولاصحابي المصريين اللي هايستغربو اني بكتب باللكنه الفلسطينيه ولكن لكل حادث حديث

خطر ت ببالي فكره فيوم من الايام  وقولت ليش ما احلم وكقولتي المشهوره دائما يعني هو الحلم عليه جمرك وابتدت خيالاتي تتسع لتصل الي عنان السماء اللي هي مش موجوده اصلا  وكانت اول الامنيات

يا سلاااااااااام لو اقف في المطار في الطابور ولما يجي الدور علي جوازي الظابط يمشيني علي طول وميقوليش  (طب استريح علي جنب شويه علي ما ننادي علي اسمك )

او مثلا  مثلا يعني  يوم ما افكر اطلع فيزا عشان اروح بلد اوربيه  تطلع الفيزا في ظرف يومين  بس واسافر بعدها بيوم شو راح يصير يعني

نفسي  افرح لشعبنا  فرحه  ولو لشي واحد صار  زي ما بنعوض فرحتنا  في افراح الشعوب التانيه تحت تعليل الغلبانين (محنا كلنا ولاد وطن واحد)

وبعدين شطحت معي الاحلام  وعليت وحلمت انو فلسطين فجأه تحررت ما بعرف كيف  وما فكرت كيف انا اللي شوفته انو بلدنا رجعت وحلمت انو كل فلسطيني اصبح معاه جواز وسفاره محترمه في جميع انحاء العالم له حقوق وطبيعي عليه واجبات

وحلمت كمان انو كل فلسطين اصبحت مفتوحه  لاي فلسطيني يدخل اي بلد بدو اياها

لا واللي خربها خالص اني حلمت كمان انهم بيزوعو علينا اراضي  وكل واحد بياخد حته ارض اكبر من احلامه لانو صار عنا اراضي كتير مش عارفين وين ننوديها

بالاضافه طبعا  للعماله اللي اصبح فيها نقص وصرنا بدنا نستورد عمال من الخارج هههههههههه

نفسي لما اسافر علي مصر ادخل المعبر  وافوت بالجواز الفلسطيني  زيي زي اي انسان ما بفتشوه بزياده وكأنو خطر او آفه عالدوله

نفسي  لما اشتغل في بلد واقولهم بطلت اشتغل  ما اخاف  من الترحيل واقعد افكر بالليالي وين راح اروح او ايش راح اسوي لما يرموني عالحدود :)

نفسي اكمل تعليمي في الجامعه  بفلوسي ومن كدي  مش منحه بشحدها من الدول عشان  اثبتلهم اني متفوق

نفسي اتزوج واحده ابوها مش خايف يرمي بنتو مع فلسطيني لانو مش عارف شو راح يكون مصيرها

نفسي ولادي يتعلمو تعليم ثابت في تاريخنا  واعلم ولادي شو يعني يهود واعلمهم كيف يتمسكو ببلادهم ويحبوها ويخافو عليها وما يتركو حد يتفوه عليها ولو بكلمه بمزح

وفجأه فوقت من الحلم علي قناه الجزيره "قتلى في دمشق واخرين في اليمن "

ولجؤ الفلسطينين الي الام المتحده وما صار اي شي

وشهداء وقصف علي غزه كل يوم والتضليل الاعلامي ماسك في ليبيا وسوريا واليمن 

فعرفت في الاخر اني هاموت من غير حتي ما يطلعلي جواز بدل الوثيقه المصريه للاجئين الفلسطينين  فقولت اكتب احلامي 

وهوا يعني الحلم عليه جمرك  :)

اسف للي ما فهم  نص كلامي بس اعتقد انو العنوان  بمثابه اعتذار  :)

تغريبتي الفلسطينيه (تذكرتي رايح جاي)

  ترددت كثيرا قبل كتابه  هذا ولكني  قررت ان اكتب كي لا تظل الافكار  تجول في خاطري  لكتابته.

اذا لم تكن من هواة  القراءه فسألخص لك كي تكمل تصفحك لشئ اكتر افادة من هذا 

• المقدمه
• الموت مع الجماعه عرس 
• الجنه بلا ناس ما تنداس
• تذكرتي رايح جاي
• من فقد الله فماذا وجد
•  والخاتمه

الان تستطيع الذهاب واكمل تصفحك :)

المقدمه : كان الهدف  هو السفر الي بلد اوربي ,الحصول علي اقامه   ثم الجنسيه واكمال الدراسه وتغيير مسار حياة العائله للأفضل , الافضل من ذلك الدفتر الكحلي اللعين  والذي اكتشفت بعد ذلك ان له قوى خارقه لا اعرفها , فناهيك عن الوقوف  دونا عن غيرك منتظرا التحقق منه والمشاكل التي تحدث من وراءه  وانه لا يحوي اي حقوق او حتى اثبات لهويتك الا ان الجانب الاخر من العمله هو اني استطعت ان احصل علي فيزا وادخل اوربا واعبر  ما لم استطع عبوره في دوله عربيه  وبدون ان  يحاسبني  احد حتى ولو كان ذو سلطه.

ولا اعلم هل هذا بتوفيق الله فقط ام ان توفيق الله يصحبه  ان حال كل شخص كبصمه يده وبغض النظر عن ما قولته لمن سردت لهم القصه من اسباب محاولا الحفاظ علي ماء وجهي  كوجود مسؤليه في رقبتي وان هناك ظروف اضطرتني  للعوده كالظروف الصحيه وان الظروف الماديه لم تكن مواتيه للاكمال الا اني في النهايه تركت ذلك  لاعترف ان ما فعلت هو بكامل ارادتي وبتوكل مني علي ربي  ولم اندم علي لحظه واحدة  من ما امضيته ولكن لابد  من ذكر ان  ما قضيته من ظروف عصيبه جعلتني افكر كثيرا في ما فعلت واعيد حساباتي خسرت اناسا في هذه الفتره وتغير اسلوبي في التعامل مع  اشخاص كثيريين ولكني اعترف اني تعلمت الكثير وانا مقتنع ان الانسان يجب ان يدفع ثمن ما يتعلم .

وان من ما يستحق الذكر هنا ان اصدقائي في تلك الرحله كانو اقلام والوان وحقيبه بها حاسوبي ومصحف 

الموت مع الجماعه عرس :  سئلت عن المعنى كثيرا  وهو مثل سوداني  معناه اذا كان الموت مع الجماعه اي ان الكل سيموت فعلى من سنحزن؟؟ او لماذا سنحزن؟؟ فيعتبر ذلك عرساً لانه لن يبقا احد حيّ وقد توصلت الي ذلك عندما فكرت  انك ستحصل علي اقامه ثم تنال الرضا ليجدو لك مسكناَ  وتدرس لغتهم لتستطيع العمل والحصول علي المال الذي سيقتطع منه ضريبة يعيدون بها ما دفعوه عليك عندما كنت لاجئ, وللعلم ان من يقول ان العمل في اوربا  سيجني ربحا كبيراً وكثيراً من المال  فقد رأيت انهم  يعيشون نفس  المأساه  بل علي العكس بعض الاشياء في عالمنا العربي المسمى ب (العالم الهمجي الثالث) افضل بكثيرفما الفائده ان كنت ذاهب من اجل المال ثم وجدت انك ستعاني لوحدك بينما  الاختيار الاول ان تظل مكانك وتعاني مثلما يعاني الجميع ؟؟؟؟.

الجنه بلا ناس ما تنداس :حينما وصلت للمكان  الذي سأقيم به مدة طويله  كنت مذهولا  بما رأيت من مناظر طبيعيه  دعوني استعير  جملةً قالها اخي  وهي الوصف الوحيد لما رأيت هناك  فحينما سألته قال(ما نراه هنا يجبرك  ان تقول "سبحان الله " )ولكن عندما فكرت قليلا وجدت نفسي اعود  لهذه الجمله الرجعيه التقليديه القديمه  فنقص الصورة  حينما لاترى تلك المناظر  وانتا مع من تحب من اهلك واصدقائك  لا يضاهي  ابدا نقص الصورة في ذلك المكان حتى وإن بدا ظاهره كامل المشهد .

تذكرتي رايح جاي 

بغض النظر عن ان كل معاني تلك الاغنيه  كانت تمثل كل قطرة  من قطرات سائل طموحي  الذي كان يسري  بسرعه فائقه لتحقيق ما سافرت اليه الا اني لم اندم علي اي شئ فعلته  لان تلك الجمله كانت تتردد دائما  مع كل  قطرة من قطرات طموحي الذي تجمد مع درجه  حرارة تلك البلاد .

فعلى عكس من رأيتهم هناكم مِن مَن  يصلون الي مرحله الجنون والاكتئاب, لم تنقص ثقتي بربي  لحظه في ان القادم افضل

   وكي يكون  ما اكتب الان مناسباً للاجيال القادمه (الابناء والاحفاد علي اعتبار انها ستكون قصه من قصص قبل النوم)فما فعلته كان تحدياً جنونياً  لكل من حولي فكل من حولي رفضوه ورغم ذلك اتممته 

من فقد الله فماذا وجد: في هذه المرحله   من حياتي كان هناك الكثير من الفراغ   ما جعلني اتسائل واتأمل في اشياء .كثيره  اولها  ان من خلقني ورزقني في مكان سيرزقني  في غيره

 ولكني بحثت عنه في كل مكان  فوجدته في كل ما ارى وتلك نعمه,

فمعنى انه اعطاك القدره لتراه في كل ما حولك  فهو دليل علي رباط وحب لا ينقطعان ابدا  اللهم  لك الحمد كما ينبغي لجلال وجهك ولعظيم سلطانك.

الخاتمه: والخلاصه ان ما مررت به كان تجربه جديده  قابلت فيها من كل انواع البشر والوانهم  وحاولت الصمود في كذبي لمده ثلاثه اشهر  وهنا اوجه تحيه  واعجابا لصديق لي استطاع ان يصمد في كذبته  اكتر من اربع سنوات   وبغض النظر  عن اسبابه  ان كانت تستحق الكذب او لا  فوجبت التحيه هنا  :)

والي كل انسان  انادي

 لا تسمع كلاما من احد  لم يثبته باوراق وقوانين فكما ذكرت كل شخص له ظروفه وطروفنا تختلف كاختلاف بصمة اليد. اذا كنت تظن ان اسلوب حياة الغرب شئ سهل يسهل التأقلم معه  فأعد  ؟حساباتك فأنت عربي شرقي مهما فعلت  فالاسد من الصعب ان  يتخلي عن اكل اللحوم .

عندما فكرت اني سأغير  حال اسرتي لشي جديد وجدت انهم سيرفضون العيش في درجه حرارة تفوق الخامسه والعشرين .تحت الصفر , ايقنت انه لا جدوى من العيش وحدي باموال الدنيا  وفضلت العيش مع والداي  حتى ولو بلقمة وملح

واخيرا اعذروني  فرغم تغريبتي الفلسطينيه  وصعوبة العيش بلا انتماء موجه كليا لفلسطين الا اني اعترف ان حياتي كعربي والحليب المغشوش الذي اشربه كل صباح ولكنتي المخلوطه بالكلمات المصريه  وفرحتي بثورة المصريين  التي احيانا   تنسني هويتي كفلسطيني  هي افضل 100 مره من العيش مع شعوب تعاني من البرود الذي يقتلها قتلا بطيئا       

يكش تولع

لما اشقا تعب  حياتي

وغيري ياخد مجهوداتي

لما مصو دمي عايش

 حتى مستنوش مماتي

!!!!!يكش تولع

قلولي طب ايه اللي باقي لما صاحبي يبقا ناسي

حتي تقديره نساني

!!!!!يكش تولع

كنت احب ف اي حد بدون حساب

كنت بفقد اي حد فمره غاب

ولما غبت محد فكر حتى يوم يبعت جواب

!!!!ما يكش تولع

طب فيها ايه لو تسألو مره عليا

لا كنت فيوم عايز فلوس

ولا مصلحه ولا  ترقيه

ولو اعوز اكون فوسطيكوا

حرمتوني بأسيه

!!!!طب وليه؟؟ ما يكش تولع

لما احس بأن شغلي عند حاكم اقطاعيه

واني باخد باليوميه 

يعني قول زي الوسيه

ومن بجاحته كمان بيطلب مني افكار ابداعيه

!!!!!ما يكش يولع

كنت فاكر انها حكم بنظام

ولقيتها محكومه بايد واحد The man

نايم وبيحرك عبيده كالعرايس

ان كان غنى ان كان موظف ولا سايس

طب يبقا هاتعب نفسي ليه

!!!!ما يكش تولع

وليه مكونش في دنيتي زي الديابه

وانهش فريستي وافتري ما هي هيا غابه

الكل فيها بيغدرو ومفيش غلابه

ومفيش كلام  علي لساني غير

!!!!ياكش تولع

حد يقول طب والسياسه

!!!! يكش تولع

طب والرياسه

يكش تولع

ارض القداسه

ياكش تولع

علم ودراسه

!!!!!يكش تولع

طب والمعارضه والحماسه والحضاره طب الخلاصه

!!!!!يكش تولع

.سامحوني بس مش قادر  اقول غير يكش تولع