السبت، 15 مارس، 2014

يكش تولع



لما اشقا تعب  حياتي
وغيري ياخد مجهوداتي
لما مصو دمي عايش
 حتى مستنوش مماتي
!!!!!يكش تولع
قلولي طب ايه اللي باقي لما صاحبي يبقا ناسي
حتي تقديره نساني
!!!!!يكش تولع
كنت احب ف اي حد بدون حساب
كنت بفقد اي حد فمره غاب
ولما غبت محد فكر حتى يوم يبعت جواب
!!!!ما يكش تولع
طب فيها ايه لو تسألو مره عليا
لا كنت فيوم عايز فلوس
ولا مصلحه ولا  ترقيه
ولو اعوز اكون فوسطيكوا
حرمتوني بأسيه
!!!!طب وليه؟؟ ما يكش تولع
لما احس بأن شغلي عند حاكم اقطاعيه
واني باخد باليوميه 
يعني قول زي الوسيه
ومن بجاحته كمان بيطلب مني افكار ابداعيه
!!!!!ما يكش يولع
كنت فاكر انها حكم بنظام
ولقيتها محكومه بايد واحد The man
نايم وبيحرك عبيده كالعرايس
ان كان غنى ان كان موظف ولا سايس
طب يبقا هاتعب نفسي ليه
!!!!ما يكش تولع
وليه مكونش في دنيتي زي الديابه
وانهش فريستي وافتري ما هي هيا غابه
الكل فيها بيغدرو ومفيش غلابه
ومفيش كلام  علي لساني غير
!!!!ياكش تولع
حد يقول طب والسياسه
!!!! يكش تولع
طب والرياسه
يكش تولع
ارض القداسه
ياكش تولع
علم ودراسه
!!!!!يكش تولع
طب والمعارضه والحماسه والحضاره طب الخلاصه
!!!!!يكش تولع
.سامحوني بس مش قادر  اقول غير يكش تولع 

ليست هناك تعليقات:

إرسال تعليق