الأحد، 28 أغسطس، 2011

خدو بالكو من ولادي

خدو بالكو من ولادي

انا بوصي من النهارضه
جايز الاجل اللي باقي
من حياتي الليله دي

خدو بالكو من ولادي

علمو الطفل الصغير
لو في يوم يجي ينادي
مش يقول ياما ويابا
لا كمان عمي وخالي

خلي بالكو من ولادي

علموه يختار صحابه
يسندوه وقت الاعادي
لما يجي في يوم ينادي
يلقي كتف معاه ايادي

خلو بالكو من ولادي

سبتو ارض وكلتو مال
وقلنا ماشي كلو عادي
فوقوا يلا كفايه اكل
المال ده اصلو كلو فاني
صدقوني الارض بس
باقيه باقيه وكله فاني

خلو بالكو من ولادي

وانا اللي عليا بعمله
ناديت من كل مسجد ووادي
افهموني دا البركان دلوقتي هادي
بكره تقولو ا وتندموا
ياريتنا صدقنا الساعه دي

خدو بالكو من ولادي

علموهم ياخدو بالهم
من وقار اهل البوادي
علموهم خوف اله
عقيده راسخه مش اسامي

خدو بالكو من ولادي

ابني شاف كلامي قالي
يابا جد كتير وقاسي
قلت يابني مش بقولك
عيشها جد مفيش تسالي
بس يابني ما تنسي اصلك
ولاتنسي يوم رب العبادي

خدو بالكو من ولادي

ليست هناك تعليقات:

إرسال تعليق